"21 e 22 de Marzo"

O 21 de marzo está sinalado  como "Día da Poesía" e "Día da Árbore" e o 22 de marzo como "Día da Auga". 

Para commemorar estas datas dende os equipos de "Dinamización da Língua Galega" e "Biblioteca" temos a seguinte proposta:
- Facer na biblioteca unha exposición de poesías relacionadas en xeral coa NATUREZA.
- Facer uso do tempo da hora de ler en Ed. Primaria e da hora do conto en Ed. Infantil  para adicarllo á poesía ao longo da semana
- Recitar, ilustrar, compoñer... poesías relacionadas con esta temática en cada aula

- Plantación nos diferentes bancais ao longo da semana

Podemos elexir entre os fermosos títulos da nosa biblioteca, algúns dos cales están expostos como podedes ver:

Nos seguintes enlaces podemos atopar recursos variados:

CPI da Cañiza
Día da Poesía
Son de Poetas
Grazas a todas as persoas que colaboraron na súa elaboración e o compartiron.

E ademais non esquezamos viaxar coa imaxinación e coa axuda dos seguintes vídeos.
O primeiro, unha mostra da marabilla dos nosos bosques de Xoan Arco da Vella 

Para continuar, unha fermosa peza do libro "A música das árbores" con letra de Anxo Moure e música de Servando Barreiro.

E outra dos mesmos autores desta volta dedicada á auga do libro "A música da auga"

  

Deseguido, "El lenguaje de los Bosques", vídeo elaborado a partir da idea orixinal do grupo Xenfor (Genética y Ecología de la Resistencia a Insectos en los Pinos) e organizado por CSIC Galicia e MBG- Misión Biolóxica de Galicia

E para rematar, un vídeo dedicado á auga, "Cae una gotica de agua" interpretado por Roxana, producido polos estudios de animación ICAIC

"Campionato de Xadrez 2023"

Este curso 2022-2023 retomamos unha das actividades con moito éxito na biblioteca: Xadrez.

E como non podía ser menos, ao longo do mes de marzo teremos o noso campionato anual.

"8 de Marzo"

Nesta data, 8 de Marzo, celébrase en todo o mundo o  "Día Internacional da Muller". Existen versións moi diferentes sobre a elección desta data para commemorar tal Día, pero todas elas coinciden que a proposta foi presentada no ano 1910 nun período de gran transformación social e política.
Aínda que non debera ser así, todavía hoxe existen moitas nenas e mulleres que son  privadas dos seus dereitos. Que esta situación mellore, forma parte da educación de nenas e nenos.
Na biblioteca temos unha selección de títulos expostos entre os que podemos atopar os seguintes:

A continuación, podedes acceder a unha interesante páxina na que se reflicte como o machismo estivo presente nas nosas vidas dende fai anos:

 

Na seguinte páxina temos varios recursos relacionados con esta data:
- recursos educativos (ceipmestresgoldar)
O seguinte vídeo foi montado a partir do conto "O País dos Mandóns"para traballar esta data con nenos de Ed. Infantil. 

E por último...

Grazas a todas e todos os que elaboraron estes recursos e quixeron compartilos.

"Día de Rosalía"

 

O 23 de Febreiro, aniversario do nacemento da poetisa, celébrase o día de Rosalía de Castro. A Asociación de Escritoras e Escritores en Lingua Galega volve contar cun programa de actividades para esta data.

A AELG disponse a commemorar un ano máis o Día de Rosalía, promovendo entre a cidadanía o agasallo dun libro en galego e unha flor.

Visitando os seguintes enlaces é posible acceder ás imaxes da casa de Rosalía ou facer unha visita virtual polo seu cuarto:
Casa de Rosalía
No seguinte vídeo temos unha versión cantada  dun  dos poemas máis coñecidos de Rosalía: "Adiós ríos, adiós fontes".

E tamén esta fermosa canción de Lia Pamina e os Peregrinos inspirada na obra de Rosalía:

 

E para rematar, para os máis pequenos e pequenas:

Para ver máis información e recursos podedes ir ao blog de Dinamización da Língua Galega:

"Faladoiro do Lérez"    

e tamén    

"O Portal da Língua Galega"

"Entroido 2023"

O Entroido xa está aquí. Este ano, como sabedes, a temática arredor da cal xirará todo son os Pokémons.
Ao longo da semana falamos e investigamos sobre esta festa, as súas orixes, a vestimenta, a comida propia da época e todo canto a rodea, sen esquecer que no entroido tradicional galego teñen cabida o baile, as máscaras, o xogo...

E unha boa mostra de todo podemos atopala facendo click nesta fermosa imaxe.

Unha boa recompilación de recursos con unidades didácticas, actividades lim, vídeos, manualidades, receitas e moitros outros que esperamos sexan do voso agrado, podedes atopala no seguinte enlace:

CEIP MESTRES GOLDAR

E un recurso de grande interese para os máis pequenos e pequenas

 

  Grazas a todos os que fan posible que disfrutemos deste gran traballo.

"Día Escolar da Paz e a Non Violencia 2023"

Xa estamos en Xaneiro, e a finais deste mes, o vindeiro luns 30, terá lugar o "Día Escolar da Paz e a Non Violencia" . 

Coa conmemoración desta data queremos facer fincapé na importancia dunha educación na tolerancia, cooperación, amizade e solidariedade. 

Dende Escolas Asociadas Unesco destácase a celebración do 60º aniversario do famoso discurso de Martin Luther King "I have a dream".
No cole, ao longo das vindeiras semanas faremos diferentes actividades para concienciar da súa importancia. Entre as actividades que se levarán a cabo queremos destacar:

- Exposición na biblioteca de bibliografía relacionada con esta temática

- Sesión de contos na biblioteca, na hora do recreo, para os niveis de 1º e 2º a cargo de alumnado bibliotecario voluntario

- Proxección na biblioteca, na hora do recreo,  de curtas relacionadas con esta data que fomenten os valores de amizade, empatía, colaboración...

- Saída da biblioteca ao patio para compartir lecturas relacionadas con esta temática
- Sesións de contacontos a cargo de "Todas e todos contamos" promovendo a igualdade entre homes e mulleres.

- Elaboración do símbolo da Paz no patio coa participación de todo o alumnado e profesorado

- Acto conxunto no patio de todo o cole: canción, manifesto, solta de pombas

Na biblioteca temos feita unha selección de libros relacionados co Día da Paz que podedes levar á aula. Esperamos que os disfrutedes. 

Deixamos o seguinte vídeo para comezar:

Si vos gustou, na etiqueta
RECURSOS
na cabeceira da páxina, atoparedes máis información e actividades.
Ou...  premede na seguinte imaxe e chegaredes axiña

Grazas por todo o traballo compartido nas diferentes seccións.