mércores, 23 de marzo de 2022

"Salón do Libro 2022"

Este ano o "Salón do Libro" está relacionado coa "ARTE" e como en Ed. Infantil temos grandes artistas, entre todas e todos fixemos unha reproducción da Horta-Xardín de Piquín e un fermoso conto.
O conto foi elaborado seguindo a idea de "A Horta de Simón" de Rocío Alejandro da editorial Kalandraka e agora está exposto no Salón do Libro xunto cos traballos doutros centros.
Aquí vos deixamos a nosa HORTA-XARDÍN e o conto feito polo alumnado 



Para rematar o traballo fixemos unha visita ao Salón onde nos estaba esperando Orbil, que como sabemos é un gran amigo de Piquín.

"Piquín na horta-xardín"

Esta semana Piquín  foi visitar os traballos da Horta-Xardín e mentres revisaba os bancais e as plantacións feitas en cada un, sacouse unhas fermosas fotos.








martes, 15 de marzo de 2022

"21 e 22 de Marzo"

O 21 de marzo está sinalado  como "Día da Poesía" e "Día da Árbore" e o 22 de marzo como "Día da Auga". 
Para commemorar estas datas dende os equipos de "Dinamización da Língua Galega" e "Biblioteca" temos a seguinte proposta:
- Facer na biblioteca unha exposición de poesías relacionadas especialmente coas  Hortas e Xardíns, e en xeral coa NATUREZA.
- Facer uso do tempo da hora de ler en Ed. Primaria e da hora do conto en Ed. Infantil  para adicarllo á poesía ao longo da semana
- Recitar, ilustrar, compoñer... poesías relacionadas con estas temáticas en cada aula
- Plantación nos diferentes bancais ao longo da semana
- Lectura dun manifesto na horta-xardín do colexio
- Recitado de poesía en galego por parte do alumnado de 5º e 6º de Primaria para o resto do alumnado
- Elaborar ao longo do mes pareados relacionados coa Horta-Xardín de Piquín e elexir 1 por aula para colocalos decorando nos bancais.
Podemos elexir entre os fermosos títulos da nosa biblioteca, algúns dos cales están expostos como podedes ver:

Nos seguintes enlaces podemos atopar recursos variados:
CPI da Cañiza
Día da Poesía
Son de Poetas
Grazas a todas as persoas que colaboraron na súa elaboración e o compartiron.
E ademais non esquezamos viaxar coa imaxinación e coa axuda dos seguintes vídeos.
O primeiro, unha mostra da marabilla dos nosos bosques de Xoan Arco da Vella 
Para continuar, unha fermosa peza do libro "A música das árbores" con letra de Anxo Moure e música de Servando Barreiro.
E outra dos mesmos autores desta volta dedicada á auga do libro "A música da auga"
  
Deseguido, "El lenguaje de los Bosques", vídeo elaborado a partir da idea orixinal do grupo Xenfor (Genética y Ecología de la Resistencia a Insectos en los Pinos) e organizado por CSIC Galicia e MBG- Misión Biolóxica de Galicia
E para rematar, un vídeo dedicado á auga, "Cae una gotica de agua" interpretado por Roxana, producido polos estudios de animación ICAIC