"Mural das Letras"

A nosa Xincana xa rematou, a participación foi estupenda e todas e todos desfrutamos da mesma.
Aquí vos deixamos o resultado do Mural elaborado entre todos os grupos, un mural cheo de palabras bonitas relacionadas co teatro e o cine. Quedará exposto na Biblioteca como traballo final do noso proxecto.

"Letras Galegas, actividade na biblio"

A celebración das Letras Galegas coa xincana na biblio fixo que a actividade non parase ao longo de 2 semanas neste espazo.
Participaron todas as titorías e todo o mundo acadou a meta resolvendo as 3 tarefas propostas. Ao rematar cadaquén recibiu a súa Medalla por participar. 

O día 11 os recunchos estaban preparados e o alumnado disposto para comezar.

E debaixo unha mostra da participación do alumnado de 6º de Primaria nas súas derradeiras Letras Galegas no cole :

Unha das tarefas propostas tiña como obxectivo a elaboración dun mural con retratos das persoas homenaxeadas ao longo dos 60 anos das Letras Galegas. Para ver máis imaxes da participación nestas xornadas podedes acceder á Galería da web do centro clicando na seguinte imaxe co resultado final dese mural:

"Letras Galegas 2023"

Maio xa comezou, e como sabedes o mércores 17, celébrase o Día das Letras Galegas. 

O autor homenaxeado este ano é Francisco Fernández del Riego, escritor galego e cofundador da editorial Galaxia. 

Francisco, foi presidente da Real Academia Galega. 

Ademais de ser un dos impulsores do "Día das Letras Galegas", foi quen propuxo que o idioma galego fose estudado en todos os niveis do ensino público. 

Nos seguintes enlaces podemos consultar a súa biografía e obra:

- O Portal da Língua Galega
- Primavera das Letras
- Seminario Galán

No cole celebraremos esta data traballando arredor do autor homenaxeado e do proxecto deste curso, "Pokémons na Biblio".

Este ano, teremos de novo unha dobre proposta de actividades:

-  Paquete de actividades en liña que poderán realizarse de xeito virtual e/ou en papel.

- Xincana na biblioteca que realizaremos por quendas dende o xoves 11 ata o venres 19.

Para poder acceder ás actividades virtuais podedes premer nas fotos ou nos enlaces correspondentes a cada nivel e chegaredes axiña. (Tamén podedes acceder dende a pestana "Letras Galegas" da parte superior da páxina):

 LETRAS GALEGAS ED. INFANTIL

 LETRAS GALEGAS 1º/2º/3º ED. PRIMARIA

 LETRAS GALEGAS 4º/5º/6º ED. PRIMARIA

No que se refire á Xincana, terá lugar na biblioteca. Ao chegar, atoparemos 6 recunchos de traballo, cada un dos recunchos terá 1 pokémon de referencia.  Antes de comezar, cada titor e titora dividirá o seu grupo-clase  en  máximo 5 equipos de 4/5 nenos e nenas. 

Cada equipo terá 3 cartas pokémon cun Nº na parte superior. O nº indica a orde na que deben realizar a tarefa proposta na parte traseira da carta. O pokémon de cada carta indica o recuncho ao que se teñen que dirixir para realizar a tarefa. Cada equipo deberá percorrer 3 dos recunchos sinalizados.

Cada equipo deberá levar a cabo as seguintes tarefas:

Ed. Infantil / 1º ciclo de Ed. Primaria

Recunchos vida e obra, elaborar un collage en A3 cunha foto e datos sobre Francisco Fernández del Riego.  Decoralo libremente.

Recunchos bibliografía, facer un crebacabezas da portada dun dos libros expostos no panel e pegalo.

Recunchos mural letras, elixir unha foto dun autor ou autora entre as persoas homenaxeadas no Día das Letras Galegas ao longo dos anos. Pegala no lugar correspondente no mural, segundo o Nº ou código que teña detrás. Anotar na carta o nome dese autor ou autora e o ano de homenaxe. No caso do 1º ciclo, completar ademais co título dunha das súas obras.

2º e 3º ciclo de Ed. Primaria

Recunchos vida e obra, completar o cuestionario, (na parte traseira da carta), sobre a biografía e traballo de Francisco Fernández del Riego.

Recunchos bibliografía, dar resposta e completar os datos requiridos relacionados coas portadas expostas no recuncho. Elixir unha portada da bandexa correspondente e decorala libremente.

Recunchos mural letras, elixir unha portada dun libro (5º/6º) ou foto (3º/4º), dun autor ou autora entre as persoas homenaxeadas  no Día das Letras Galegas ao longo dos anos. Pegala no lugar correspondente no mural, segundo o código que teña detrás. Anotar na carta o título/nome dese autor ou autora, o ano de homenaxe e o título dunha das súas obras. Facer o mesmo coa persoa homenaxeada anterior e posterior.

Cada titoría disporá de tantos sobres como equipos teña en aula. Cada sobre conterá as 3 cartas pokémos necesarias para a actividade. Cada equipo comezará a actividade no recuncho que lle indique a súa carta TAREFA 1.

Continuase a ronda tendo 10´ por recuncho. Unha vez rematados os 10´ paramos o tempo e cambiamos de recuncho rotando segundo a orde numérica das cartas. 

Cada titoría fará unha posta en común da actividade, de xeito que cada equipo expoña aos seus compañeiros e compañeiras o traballo realizado, as dificultades, o que máis lles gustou…

 Ao remate, cada titor e titora repartirá a cada nena e neno 1 Medalla Arcoiris pola súa participación nas tarefas.

"Mural das Letras"

As actividades das Letras Galegas xa remataron e o Mural quedou listo para que todos poidan desfrutar do fermoso resultado. Foron días de movemento na Biblioteca, curso a curso participaron na Busca do Tesouro e foron engadindo as pezas que cada equipo atopaba. 

A busca comezaba na biblioteca, onde cada equipo tiña que descifrar a pista que se lle entregaba. Cando atopaban a súa peza, debían volver á biblioteca e vendo o código escrito por detrás, buscaban o seu lugar e pegaban na plantilla do mural. Pouco a pouco fomos completando ata telo rematado.

Clicando na seguinte imaxe chegaredes ao vídeo da montaxe

"LETRAS GALEGAS 2022"

Xa estamos no mes de Maio, e como sabedes o martes 17, celébrase o Día das Letras Galegas. O autor homenaxeado este ano é Florencio Delgado, abogado e poeta galego exiliado. 

Un dos seus traballos máis importantes foi a creación, xunto con outros emigrantes galegos, dunha grande rede cultural galega en México, país no cal pasou unha boa parte da súa vida.

Deuse a coñecer como poeta co seu libro Bebedeira e foi un dos fundadores da revista Vieiros, ademais de participar na publicación da revista Saudade.

Nos seguintes enlaces podemos consultar a súa biografía e obra:

- Seminario Galán

- O Portal da Língua Galega

- Primavera das Letras

No cole celebraremos esta data traballando arredor do autor homenaxeado e do proxecto deste curso:

 "Horta-Xardín de Piquín".

Este ano, teremos de novo unha proposta de actividades que poderá realizarse de xeito virtual e/ou en papel. 

Esta proposta se completará cunha "Busca do Tesouro" que partirá da Biblioteca a diferentes recunchos do cole. O obxectivo final é a elaboración dun mural das Letras Galegas sobre Florencio Delgado que iremos completando entre todas e todos coas pezas que conseguiremos na Busca do Tesouro.

Para poder acceder ás actividades virtuais podedes premer nas fotos ou nos enlaces correspondentes a cada nivel e chegaredes axiña:

LETRAS GALEGAS ED. INFANTIL

 LETRAS GALEGAS 1º/2º/3º ED. PRIMARIA

LETRAS GALEGAS 4º/5º/6º ED. PRIMARIA

"Letras Galegas 21"

Chegamos ao mes de maio e o luns 17, como todos os anos, celébrase o Día das Letras Galegas. 

Este ano a autora homenaxeada é Xela Arias, escritora e tradutora de moitas obras coñecidas. Nacida en Sarria, provincia de Lugo, destacou como poeta, tradutora e polo seu traballo na editorial Xerais. 

O seu traballo fixo que gañase diferentes premios no campo da tradución e levouna a formar parte da Asociación de Tradutores Galegos.

Nos seguintes enlaces podemos consultar a súa biografía e obra:

- Seminario Galán

- O Portal da Língua Galega

- Primavera das Letras

No cole celebraremos esta data traballando arredor da autora homenaxeada e do proxecto deste curso "Co Cambio todo Cambia".

Este ano, a nosa tradicional xincana levárase a cabo nas aulas, poderá realizarse de xeito virtual e/ou en papel. 

Para poder acceder ás actividades virtuais podedes premer nas fotos ou nos enlaces correspondentes a cada nivel e chegaredes axiña:

  LETRAS GALEGAS ED. INFANTIL

  LETRAS GALEGAS 1º/2º/3º ED. PRIMARIA

  LETRAS GALEGAS 4º/5º/6º ED. PRIMARIA

"Retratos nas Letras Galegas 2020"

A proposta das Letras Galegas deste ano, aínda que celebradas de xeito diferente, obtivo unha excelente resposta . Aquí tendes un vídeo feito con todos os debuxos recibidos.

Esperamos que vos guste e atopedes o voso retrato. 

Grazas a todas as persoas que o fixestes posible. 

"Letras Galegas 2020"

Este ano, o autor elixido para as "Letras Galegas 2020", é Ricardo Carvalho Calero. Pero como igual xa sabedes, todos os actos relacionados coa homenaxe a este escritor foron pospostos ata o outono por mor do Covid-19. Aínda así, queremos presentarvos un vídeo que nos fala da súa vida para que o vaiades coñecendo un pouquiño:

Deixámosvos tamén un vídeo cunha lectura dun poema do escritor recitado por unha docente, que nos parece moi axeitado para esta época de confinamento.

E non imos deixar pasar o "17 de Maio, Día das Letras Galegas", sen resaltar a importancia desta conmemoración, data destacada no calendario, por homenaxear a todas aquelas persoas que defenderon o Galego a través da lingua escrita. 

Polo tanto, e como mostra de agradecemento pola súa dedicación, deixamos o seguinte vídeo, unha presentación con todos os escritores e escritoras homenaxeados ao longo dos anos, unha pequena ollada á riqueza do noso Patrimonio Literario.

                                     

E despois desta voltiña polos nomes e fotos de todas e todos eles, temos unha proposta especial para vós:

- Elixide un dos escritores ou escritoras homenaxeado ao longo dos anos

- Collede o seu retrato e facede unha caracterización transformándoo nun SER FANTÁSTICO COIDADOR da nosa Lingua, non esquezades poñer o nome do escritor ou escritora. 

- Cando teñades listo o novo RETRATO tuneado facede unha foto e enviádea ao seguinte correo:

                   manuelvidalportela@gmail.com

- As fotos serán recollidas entre o 18 e o 22 de maio.

Todos os retratos caracterizados recibidos serán expostos conxuntamente polos equipos de Dinamización da Lingua Galega e da Biblioteca do centro nos seus blogs na semana seguinte.

Si queredes ir botando unha ollada aos recursos dispoñibles elaborados por outros centros e entidades, aquí tendes onde atopalos:

Grazas a todas as persoas que colaboraron na elaboración destes recursos e os compartiron para que todo o mundo poida desfrutalos.

"Reportaxe sobre as Letras 19"

A nosa Xincana rematou e todo o cole pasou pola biblioteca para  a realización das actividades propostas. Foron 2 semanas ben intensas, pero todo resultou moi ben e grandes e pequenos desfrutaron dos recunchos previamente preparados. 

Aquí tendes xa algunhas das imaxes destas xornadas.

Letras Galegas Biblio -1

Letras Galegas Biblio -2

Letras Galegas Biblio - 3

Letras Galegas Biblio-4

"Recunchos Letras Galegas 19"

Xa todo está preparado e empezaremos dúas semanas ben cargadiñas de actividade na biblioteca. As Letras Galegas 2019 serán no cole protagonistas dende o luns 13 ata o venres 24.

E antes de dar paso a estas 2 semanas, o venres 10 tivemos no cole a Montse cunha actividade sobre o traxe galego. Con ela iniciamos o percorrido polo traballo feito por Antón Fraguas sobre as tradicións galegas. Montse explicounos como era a vestimenta en Galicia fai moitos anos e como se chamaban cada unha das prendas utilizadas.