"Semana da Paz 2020"

A semana da Paz rematou, estivo chea de actividades feitas nas aulas e tamén tivemos un acto conxunto no patio. Pero a biblioteca estivo igual de atareada nos recreos: contos e proxeccións para todas e todos.




 

"Día da Paz 2020"

O 30 de Xaneiro, celebraremos no cole o Día Escolar da non Violencia e a Paz.
Este ano, arredor desta data, recordaremos especialmente a mensaxe de Paz que nos trouxo Plastiquina. Ela foi creada para despertar en todas e todos a conciencia de respecto cara o medio ambiente, especialmente en canto ao uso dos plásticos.
Ademais, entre outros aspectos, traballaremos arredor das campás dentro do coidado do Patrimonio Cultural. Tentaremos resaltar a importancia ao longo da historia do "Toque das campás de xeito manual" e do oficio de campaneiro.
Tendo en conta ambas propostas, no cole desenvolveremos actividades como:
- Plantación de sementes acompañadas de mensaxes/desexos de paz para intercambiar entre o alumnado o día 30.
- Cantar a canción "Soan as campás" e representala utilizando linguaxe de signos.
- Decoración de campás con mans blancas.
- Saída da Biblioteca ao patio para compartir lecturas no tempo de recreo.
- Contacontos na biblioteca por parte do alumnado axudante.
Ademais na biblioteca contaremos cunha exposición de contos relacionados con esta temática, e ao longo da semana, proxectaremos varios cortos e o documental: 

"25 camiños perigosos cara a escola". 

Ao longo da mañán do día 30 todos os cursos sairán ao patio, para cantar xuntas e xuntos.
Aquí deixamos os vídeos do tema "Soan as campás" para que poidades ir practicando:

Na etiqueta

RECURSOS  na cabeceira da páxina, atoparedes máis información e actividades.

Ou...  premede na seguinte imaxe e chegaredes axiña

Grazas por todo o traballo compartido nas diferentes seccións.

"Nata e Chocolate"

No primeiro trimestre no Club de Lectura estivemos lendo o libro "Nata y Chocolate". Gustounos moito e queremos que o coñezades

"Presentación Club de Lectura"

O Club de Lectura preséntase ao resto do cole.

"Guía de lecturas para este Nadal"

Xa de vacacións, Piquín non quere deixar pasar a ocasión de facer a súa recomendación de lecturas para estes días. Libros que vos faran disfrutar, pensar, soñar... e que sempre serán un bo acompañante onde queira que vaiades.

"O noso Bosque Encantado"

Ao longo deste trimestre a entrada da Biblioteca foi mudando o seu aspecto. O Bosque Encantado  de Piquín xa está listo e grazas a nenas, nenos e profes luce cheo de Seres Fantásticos que o habitan.

"Club de Lectura"

Este ano, como novidade da Biblioteca, puxemos en marcha un Club de Lectura para alumnado de 6º de Primaria: "O Club dos nove lectores"

Iniciamos as actividades do Club o día 11/11/19 coa asistencia de 9 participantes. 

Tentamos que o comezo fose doce e preparámolo con moito agarimo.

Na primeira sesión fixemos a presentación, buscamos un nome, decidimos as bases e cada asistente recibiu o 1º libro proposto para ler.

Ademais entregámoslles un marcapáxinas e unha libreta para que poidan tomar notas de todo aquilo que queiran comentar ou debater.

Ao remate da sesión propuxemos os primeiros capítulos de lectura.

Na 2ª sesión, xa metidos na historia, falouse do acontecido e cadaquén deu a súa opinión sobre personaxes, sucesos...

"Anxo Moure e Servando Barreiro"

Neste mes de Novembro estiveron no cole Anxo Moure (Carballo con Botas para moitas persoas) e Servando Barreiro.

Cantaron e contaron historias e con eles entramos no "Mundo da Fantasía". Alí nos presentaron a diferentes seres que sempre os acompañan e que nos enfeitizaron. 

Gustounos moito escoitalos e formar parte das súas historias.

Anxo e Servando

¡¡¡Abrimos XA!!!

¡¡¡E xa estamos listos!!!

A biblioteca abrirá de novo as súas portas o día 7 de OUTUBRO.

Temos moitas novidades que presentarvos e como non podía ser menos, unha nova proposta para desenvolver xuntos.

Neste curso imos meternos nun mundo que seguro vos vai entusiasmar. O título do novo proxecto é:

"UN MUNDO DE FANTASÍA"

¿Queredes algunha pista?

Investigaremos sobre os Seres Fantásticos que aparecen nos libros e que ademais son coidadores da Natureza: fadas, gnomos, trasnos, seres mitolóxicos...

No apartado de proxectos xa temos algúns recursos que iremos ampliando e que podedes consultar.

Agardamos que disfrutedes da nova proposta ao longo do curso.

E para comezar, aquí deixamos algún que outro vídeo:

¡¡¡Comeza o novo curso!!!

Ola a todas e todos,

Benvid@s ao novo curso 2019-2020.
A biblioteca estase preparando un ano máis para abrir as súas portas.
Temos unha chea de novidades e propostas para investigar e divertirnos xuntos. Moi pronto recibiredes pistas ao respecto, será en breve, así que, permanecede atentos!!!... pero mentres deixámosvos este vídeo que esperamos sexa do voso agrado: