Ola a todas e todos!
Arrincamos un novo curso cheo de ilusións e sorpresas, e queremos darvos a nosa máis calorosa BENVIDA! Este ano contaremos coa colaboración doutras escolas europeas a través da plataforma e-Twinning co proxecto 'Melodies without borders' - 'Melodías sem fronteiras'
As vacacións quedaron atrás e estamos preparando a nosa querida biblioteca para volver abrir as súas portas. Piquín anda atarefado cos últimos detalles porque a GRAN REAPERTURA será na semana do 6 de outubro.
👉 Na semana anterior, do 29 de setembro ao 3 de outubro, realizaremos na biblioteca as presentacións para cada titoría.
Será unha ocasión perfecta para coñecer todas as novidades que vos agardan e descubrir o proxecto especial que nos acompañará durante todo o curso: "MELODÍAS SEN FRONTEIRAS"🎶✨
Preparade a curiosidade... porque este ano imos vivir moitas aventuras entre libros e cancións!
