Ao longo da Semana da Poesía fixemos diferentes actividades no centro e entre elas tivemos unha moi especial. O mércores 20, tres compañeiros xa retirados que estiveron no cole, viñeron ler poesía e pasar un ratiño moi agradable con nós. Disfrutamos moito coa súa visita e gustounos escoitalos e compartir con eles esa mañán.
Para ver máis fotos podedes ir ao blog de Dinamización da Língua Galega do noso cole:
A entrada da biblioteca xa está chea de peixiños, cos seus poemas fan lucir ben fermosas as augas do noso Lérez. Piquín disfruta das vistas dende a Ponte do Burgo, recitando poemas vai dos libros a xogar cos peixiños e segue buscando novidades que nos atrapen a tod@s.
O equipo de biblioteca quere presentarvos os novos materiais que temos para vós. A partir deste mes de febreiro contaremos con:
- Libros electrónicos para o alumnado do 3º ciclo cos que descubrir outros tipos de lectura e axudar así no desenvolvemento da competencia dixital.
- Novos desafíos para todos, aqueles que gustades dos retos temos varios esperando. Trátase de diferentes xogos manipulables que suporán un gran desafío para todos aqueles que vos atrevades a probalos.
Esperamos que disfrutedes destes novos recursos e deixedes os vosos comentarios e suxestións na Caixa de Correo de Piquín, deste xeito, entre tod@s colaboraremos para seguir mellorando o funcionamento da nosa biblioteca.
Este martes, 30 de Xaneiro, celebraremos no cole o Día Escolar da non Violencia e a Paz.
Este ano, relacionado con esta data, un dos aspectos que se pretende resaltar é o rol das mulleres indíxenas na construcción de redes que sosteñan as súas sociedades. Tamén neses días, concretamente o 28 de Xaneiro, a ONU proclamará oficialmente o ano 2019 como "Ano Internacional das Linguas Indíxenas".
Tendo en conta ambas propostas, no cole desenvolveremos actividades como:
- Investigar arredor da labor das mulleres indíxenas destacadas na Revista Emancipa
- Traballar con vocabulario relacionado coa Paz en diferentes línguas indíxenas
- Elaborar listados de vocabulario utilizando pictogramas
Ademais na biblioteca contaremos cunha exposición de contos relacionados con esta temática e ao longo da semana, nos recreos, proxectaremos o documental:
"25 camiños perigosos cara a escola".
Ao longo da mañán do día 30 todos os cursos sairán ao patio, alí elaboraremos entre todos a palabra PAZ. Entre outras actividades poderemos disfrutar dunha actuación de percusión do alumnado do 3º ciclo da canción "Si me voy" e da canción "Viva a xente" cantada por todos.
Aquí deixamos os vídeos de ambos temas para que poidades ir practicando:
Na etiqueta
RECURSOS na cabeceira da páxina, atoparedes máis información e actividades.
Ou... premede na seguinte imaxe e chegaredes axiña
Grazas por todo o traballo compartido nas diferentes seccións.
A biblioteca saiu ao patio e tivemos un tempo de lecer diferente. Foi todo un éxito que algúns xa pediron repetir... Terémolo en conta para os vindeiros trimestres.
Todas e todos poidemos disfrutar cos libros, algúns de xeito individual, outros compartindo lecturas e tamén houbo contacontos improvisados entre maiores, medianos e pequenos.
Xa casi estamos de vacacións de Nadal, pero antes de marchar Piquín quere deixarnos algunhas recomendacións para que disfrutemos nestes días de descanso. Para ler en solitario, para compartir, para viaxar lonxe moi lonxe, para soñar, para vivir aventuras.... e todo aquelo que poidades imaxinar.
Achégase o Nadal e... para rematar este primeiro trimestre queremos unha vez máis sacar a biblioteca ao patio e compartir con tod@s un tempo de lecer diferente.
Ao longo desta última semana de decembro e coa supervisión d@s bibliotecari@s poderemos disfrutar dun recreo de lectura en diferentes recunchos do patio. Aproveitaremos esta ocasión para presentar algúns dos tesouros agochados na biblioteca e esperamos que os disfrutedes con nós.
