"Día de África"

O 25 de maio celébrase o Día de África, en commemoración da fundación da Organización da Unidade Africana.
Este curso estamos traballando para coñecer un pouco mellor este continente, a súa xeografía, as súas xentes, a súa cultura... e descubrir as riquezas que nos pode ofrecer.




Na aula virtual do cole podemos encontrar máis actividades relacionadas, vídeos, contos... Facede click na seguinte dirección:
http://www.edu.xunta.es/centros/ceipmanuelvidal/

"Letras Galegas 2012"

Recoñeces este personaxe?. Sabes onde atopalo?. O seu nome é Valentín Paz Andrade, autor homenaxeado este ano 2012 no día das "Letras Galegas". Este escritor nacido en Pontevedra foi membro da Real Academia Galega e da Academia Galega das Ciencias. Para saber máis preme na foto e na páxina do Seminario Galán atoparás información e actividades relacionadas coa súa vida e obra.

CANTARELA DO CANTEIRO 
Valentín Paz Andrade  «Sementeira do vento»

Plim-plim, plim-plim, plim-plim...
Con sílaba de ferreiro
canta, canta,
os minerais sonos debullando,
plim-plim, plim-plim, plim-plim...
canta, canta o teu cincel.
...
O teu arte, canteiro,
arte maior do pico e da marreta,
qué xeolóxico verso,
na castidade crúa do perpiaño
labrará para min?
...
Plim-plim, plim-plim, plim-plim...
As voces unisílabas da pedra,
só por túa mao, canteiro,
se xuntaron
ao pentagrama máxico do mundo.
                                Samil (Vigo), 1959

E tamén "CANDO TI VOLVAS" «Pranto Matricial» ,  nunha versión feita polo CEIP San Xoán de Filgueira

"Día da Poesía, Día da Árbore"

O vindeiro mércores, 21 de marzo, está sinalado  como "Día da Poesía" e "Día da Árbore". Ao longo da semana traballaremos nas aulas en torno a estas dúas temáticas do seguinte xeito:

1.- Día da Poesía

- Ilustración de poesías de Celso Emilio Ferreiro, xa que este ano se celebra o centenario do seu nacemento.

- Elaboración de poemas libremente.

Os traballos realizados serán recopilados nun libro que poderemos consultar na biblioteca na sección 4: libros de produción propia.

2.- Día da Árbore

- O día 21 varias árbores serán plantadas no patio. Posteriormente serán elaborados uns carteis co nome de cada unha delas e tamén das xa existentes.

Na biblioteca temos expostos varios libros relacionados coa vida e a obra de Celso Emilio Ferreiro.

Este escritor celanovés naceu o 4 de xaneiro de 1912 e a obra que o consagrou definitivamente como poeta foi: "Longa noite de pedra" publicada no ano 1962.

A Fundación que leva o seu nome contribúe a difundir o seu legado e na súa páxina dan a coñecer as actividades programadas para celebrar este centenario. Premendo no seguinte enlace atoparedes máis información:    celsoemilioferreiro

No seguinte vídeo temos unha fermosa versión dun seus  poemas máis coñecidos: "María Soliña", con música de Carlos Nuñez e voz de Teresa Salgueiro.

"Semana da Prensa"

Tal e como se recolle no Calendario Escolar para o curso 2011-2012, do 12 ao 16 de marzo, terá lugar a Semana da Prensa na escola. Un día da semana adicarase a traballar cos xornais na aula.

Dende o CEIP Mestres Goldar chega a seguinte páxina de interesantes recursos.

https://sites.google.com/site/recursoseducativostematicos/

Grazas por compartir este traballo.

"Eu falo así"

Nunca está de máis recordar a riqueza que nos dá a diversidade. Podemos recoñecer todas as línguas que aparecen? É unha suxestión dun compañeiro de Fornelos, grazas.

Charles Dickens

O 7 de febreiro deste ano 2012 cúmplense 200 anos do nacemento de Charles Dickens, famoso novelista inglés coñecido e leído no mundo enteiro. Creou personaxes inolvidables como  Oliver Twist ou David Copperfield e a súa historia de pantasmas: "Un Conto de Nadal", foi adaptada e versionada en diferentes ocasións para cine, televisión e radio.

Dúas lindas historias

Curtametraxes lectoras para disfrutar.





SketchTravel from Curio on Vimeo.

"Paco Papán" "Avós"

Ao longo do curso 2010-2011, varios nenos e nenas do cole estiveron traballando cos contos  "Avós" e "Paco Papán". Nas horas de atención educativa fixeron coa profe María Carballo un taller no que ilustraron, prepararon textos, grabaron... Como remate do seu traballo, levaron a cabo varias sesións de contacontos na biblioteca para Ed. Infantil e os primeiros niveis de Ed. Primaria.

Coa presentación que fixeron, as súas voces e unha estupenda peza musical crearon  estes fantásticos vídeos que esperamos vos gusten.

"Centenario Álvaro Cunqueiro"

Este ano celébrase o centenario de Álvaro Cunqueiro. En decembro cúmprense cen anos do nacemento en Mondoñedo deste gran escritor galego. Cunqueiro definiu a Galicia como "un lugar cunha grande tradición oral pero cunha escasa memoria".

Facendo click na súa foto pódese acceder a web educativa que o concello da Coruña creou para a celebración do centenario e na que se ofrecen diferentes enlaces de interese relacionados coa vida e obra de Cunqueiro.

  

O cantautor  Luis Emilio Batallán versiona un dos seus poemas máis coñecidos, "Quen puidera namorala".

No seguinte vídeo temos un fragmento desta fermosa canción.

"Tempo de castañas"

Estamos no outono, tempo de castañas, cocidas ou asadas. Nas seguintes direccións están recollidos diferentes recursos e actividades. Todos eles están relacionados con esta época do ano.

Facendo click nas diferentes imaxes pódese acceder a cada unha das páxinas.

Grazas a tod@s os que  colaboraron na elaboración das diferentes actividades propostas.

                    

                       Páxina do CEIP Mestres Goldar

                 

Páxina do CEIP Víctor Sáenz                webdenorberto.com