"Letras Galegas 2023"

Maio xa comezou, e como sabedes o mércores 17, celébrase o Día das Letras Galegas. 

O autor homenaxeado este ano é Francisco Fernández del Riego, escritor galego e cofundador da editorial Galaxia. 

Francisco, foi presidente da Real Academia Galega. 

Ademais de ser un dos impulsores do "Día das Letras Galegas", foi quen propuxo que o idioma galego fose estudado en todos os niveis do ensino público. 

Nos seguintes enlaces podemos consultar a súa biografía e obra:

- O Portal da Língua Galega
- Primavera das Letras
- Seminario Galán

No cole celebraremos esta data traballando arredor do autor homenaxeado e do proxecto deste curso, "Pokémons na Biblio".

Este ano, teremos de novo unha dobre proposta de actividades:

-  Paquete de actividades en liña que poderán realizarse de xeito virtual e/ou en papel.

- Xincana na biblioteca que realizaremos por quendas dende o xoves 11 ata o venres 19.

Para poder acceder ás actividades virtuais podedes premer nas fotos ou nos enlaces correspondentes a cada nivel e chegaredes axiña. (Tamén podedes acceder dende a pestana "Letras Galegas" da parte superior da páxina):

 LETRAS GALEGAS ED. INFANTIL

 LETRAS GALEGAS 1º/2º/3º ED. PRIMARIA

 LETRAS GALEGAS 4º/5º/6º ED. PRIMARIA

No que se refire á Xincana, terá lugar na biblioteca. Ao chegar, atoparemos 6 recunchos de traballo, cada un dos recunchos terá 1 pokémon de referencia.  Antes de comezar, cada titor e titora dividirá o seu grupo-clase  en  máximo 5 equipos de 4/5 nenos e nenas. 

Cada equipo terá 3 cartas pokémon cun Nº na parte superior. O nº indica a orde na que deben realizar a tarefa proposta na parte traseira da carta. O pokémon de cada carta indica o recuncho ao que se teñen que dirixir para realizar a tarefa. Cada equipo deberá percorrer 3 dos recunchos sinalizados.

Cada equipo deberá levar a cabo as seguintes tarefas:

Ed. Infantil / 1º ciclo de Ed. Primaria

Recunchos vida e obra, elaborar un collage en A3 cunha foto e datos sobre Francisco Fernández del Riego.  Decoralo libremente.

Recunchos bibliografía, facer un crebacabezas da portada dun dos libros expostos no panel e pegalo.

Recunchos mural letras, elixir unha foto dun autor ou autora entre as persoas homenaxeadas no Día das Letras Galegas ao longo dos anos. Pegala no lugar correspondente no mural, segundo o Nº ou código que teña detrás. Anotar na carta o nome dese autor ou autora e o ano de homenaxe. No caso do 1º ciclo, completar ademais co título dunha das súas obras.

2º e 3º ciclo de Ed. Primaria

Recunchos vida e obra, completar o cuestionario, (na parte traseira da carta), sobre a biografía e traballo de Francisco Fernández del Riego.

Recunchos bibliografía, dar resposta e completar os datos requiridos relacionados coas portadas expostas no recuncho. Elixir unha portada da bandexa correspondente e decorala libremente.

Recunchos mural letras, elixir unha portada dun libro (5º/6º) ou foto (3º/4º), dun autor ou autora entre as persoas homenaxeadas  no Día das Letras Galegas ao longo dos anos. Pegala no lugar correspondente no mural, segundo o código que teña detrás. Anotar na carta o título/nome dese autor ou autora, o ano de homenaxe e o título dunha das súas obras. Facer o mesmo coa persoa homenaxeada anterior e posterior.

Cada titoría disporá de tantos sobres como equipos teña en aula. Cada sobre conterá as 3 cartas pokémos necesarias para a actividade. Cada equipo comezará a actividade no recuncho que lle indique a súa carta TAREFA 1.

Continuase a ronda tendo 10´ por recuncho. Unha vez rematados os 10´ paramos o tempo e cambiamos de recuncho rotando segundo a orde numérica das cartas. 

Cada titoría fará unha posta en común da actividade, de xeito que cada equipo expoña aos seus compañeiros e compañeiras o traballo realizado, as dificultades, o que máis lles gustou…

 Ao remate, cada titor e titora repartirá a cada nena e neno 1 Medalla Arcoiris pola súa participación nas tarefas.

"Entroido 2023"

O Entroido xa está aquí. Este ano, como sabedes, a temática arredor da cal xirará todo son os Pokémons.
Ao longo da semana falamos e investigamos sobre esta festa, as súas orixes, a vestimenta, a comida propia da época e todo canto a rodea, sen esquecer que no entroido tradicional galego teñen cabida o baile, as máscaras, o xogo...

E unha boa mostra de todo podemos atopala facendo click nesta fermosa imaxe.

Unha boa recompilación de recursos con unidades didácticas, actividades lim, vídeos, manualidades, receitas e moitros outros que esperamos sexan do voso agrado, podedes atopala no seguinte enlace:

CEIP MESTRES GOLDAR

E un recurso de grande interese para os máis pequenos e pequenas

 

  Grazas a todos os que fan posible que disfrutemos deste gran traballo.

"Guía de Lecturas de Nadal 22"

Xa estamos en decembro, o Nadal case chegou, e antes de irnos de vacacións Piquín quere amosarvos as súas recomendacións lectoras.

Se buscades un bo agasallo para calquera ocasión, cun libro sempre acertaredes, cadaquén ten o seu preferido e para que teñades onde elixir, aquí está a Guía de Nadal 22:

"Agasallo para Piquín e a Biblio"

En Novembro, Piquín recibiu unha sorpresa moi especial:

O padriño de Olmo escribiu un conto no que Olmo é o protagonista principal, unha historia moi especial que quixo compartir con nós. 

Na hora do recreo, agasallounos cun exemplar para Piquín e a Biblioteca, poderedes atopalo en breve na exposición de Novidades.

¡¡MOITAS GRAZAS Olmo e familia!!

"Piquín e os Pokémons"

Este curso, Piquín quere amosarnos a súa imaxe como entrenador Pokémon, xunto con algún dos máis preciados así e como aparece na entrada da Biblioteca. 

E como este tema atrae moito aos rapaces e rapazas do cole algúns van facendo e amosando as súas creacións, como esta que tendes a continuación:

"Dereitos Humanos"

O día 10 de Decembro é o Día Internacional dos Dereitos Humanos.

Clicando na imaxe podedes atopar máis información sobre este día e o seu significado.
E tamén nos gusta recordar para esta data unha frase de Mandela:
"A Educación é a arma máis poderosa que podemos usar para cambiar o mundo"
O Ceip Mestres Goldar traballou na recompilación de recursos que puxo a disposición de todos nós. Grazas a todos os implicados neste traballo:
DEREITOS HUMANOS
Algúns dos títulos que temos na nosa biblioteca relacionados con este tema son:

E na seguinte canción, Dereitos Humanos o mellor instrumento:

"O CASTELO"

Esta semana, Iván Penelas e Marcos Rodríguez deixaron en préstamo na Biblioteca un fermoso castelo. Está feito en cartón e deseñado por eles mesmos. Se queredes velo, podedes atopalo exposto na entrada da biblio, onde quedará unha temporadiña. 

Do mesmo xeito que o resto dos materiais, debemos tratalo con moito agarimo e coidalo entre todas e  todos.

Moitas grazas Marcos e Iván polo voso traballo e por compartilo con nós.

"Boas Prácticas"

Nesta páxina, aloxada nunha das pestanas superiores do blog, podedes atopar diferentes recursos relacionados coas Boas Prácticas na escola: "Atención a Diversidade", "Valores", "Inclusión"...

Clicade nas seguintes imaxes para tamén acceder aquí a cada un dos recursos:

¡¡NOVA PROPOSTA!!

Todas e todos preparados?, a biblioteca abre un curso máis as súas portas, será o Luns 3 de outubro.

Como todos os anos, agardo a vosa visita nos recreos, nos días que tendes asignados por curso.

Xa coñecedes a proposta sobre a que imos investigar este ano, foi elixida por todas e todos vós, e sei que é un tema que vos interesa moitíiiiisimo: 

"POKÉMONS NA BIBLIOTECA"

Desta volta non precisades máis pistas, pero teremos moitos datos sobre o seu mundo que seguro vos van sorprender. 

Na pestana de "Os noso proxectos" deste blog xa podedes atopar algúns recursos para utilizar, pronto haberá máis.

Estade atentas e atentos as novas propostas e man a man desfrutaremos de cada descubrimento.

E para comezar, aquí deixamos un par de vídeos:

CHEGOU SETEMBRO E...

Benvidos e benvidas de novo ao cole.

O curso 2022-2023 xa botou a andar e a biblioteca está preparando novas sorpresas.
Temos propostas para investigar e divertirnos xuntos, moi pronto recibiredes pistas ao respecto pero mentres e para comezar deixamos este vídeo que esperamos sexa do voso agrado: